Pas lajmit se mazhoranca dhe Partia Demorkatike, grupimi i Rithemelimit kanë arritur një dakordësi për rikthimin e normalitetit në Kuvend, nuk ka munguar reagimi i Ambasadës Amerikane në Tiranë.
Në një reagim të shkurtër në Facebook’, SHBA thotë se është e inkurajuar nga ky lajm dhe iu bën thirrje deputetëve që të bëjnë detyrën e tyre brenda parlamentit.
‘Ambasada e Shteteve të Bashkuara në Tiranë është inkurajuar nga njoftimi për rikthimin e rendit normal në Parlament.
Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda Parlamentit’, thuhet në reagim.
