‘Miku im qendra do të jetë gati për disa muaj gjithsesi, kjo nuk është asgjë. Por problemi do të jetë funksionimi i saj. Dhe do të jetë shumë e vështirë për procedurat: si mund të qarkullosh 3000 njerëz në 28 ditë me burokracinë italiane. dhe rregullat europiane?’. Edi Rama, kryeministri i Shqipërisë, ka deklaruara kështu  për ‘Repubblica’  lidhur me qendrën e emigrantëve që qeveria italiane do të ndërtojë  në vendin e tij. Lokacionet e identifikuara janë porti i Shëngjinit dhe një ish-bazë ushtarake e braktisur në Gjadër.  

Kryeministri, pasi e promovoi publikisht planin, parashikon një sërë ankesash dhe përplasjesh politike që rrezikojnë ta prishin atë. ‘A e dini se çfarë do na duhej? D'Alema do të na duhej!’.  Arsyen ai e shpjegon menjëherë pas këtij komenti: ‘Në vitin 1998 gjiri i Vlorës ishte një rrugë e kontrolluar nga kontrabandistët, më pas mbërriti Massimo, u vendos një radar në ishullin Zazan, në kanalin e Otrantos, hapën kanale të lehtësuara për emigracionin dhe pak nga pak gjithçka mbaroi: sot ka gjysmë milioni shqiptarë në Itali’.

Ka shumë më pak emigrantë që qeveria e udhëhequr nga Giorgia Meloni do të dëshironte t'i transferonte në Shqipëri. Megjithatë, kjo nuk e bën më të thjeshtë misionin. Për ta bërë të qartë se sa ‘dështim’ është, Edi Rama e krahason edhe me Planin Mattei që kryeministrja do të donte të zbatonte në Afrikë: ‘Si e çohet përpara ky plan? Po, mund të bësh marrëveshje, të hapësh qendra në Tunizi apo Libi, por ju e dini se sa para përfshihen në trafikun e emigrantëve në ato brigje.