Ekspertja e çështjeve ekonomike, Brisida Shehaj e ftuar në ‘Task Force’ me Sonila Meçon në SYRI TV ka komentuar intervistën e Arben Ahmetaj në ‘Çim Peka LIVE’ mbrëmjen e së hënës.

Gjatë bisedës, Shehaj ka folur për denoncimin e Ahmetaj, për çështjen e Eco Parkut në Durrës, ku Edi Rama ka hedhur firmën e tij.            

‘Eksponetë të tjerë politikë të dosjes së inceneratorëve, që kanë qenë pjesë aktive, janë kursyer nga SPAK, familja e Arben Ahmetaj është sakatuar.

Arben Ahmetaj foli edhe për Ecoparkun.

Nuk është një dosje e re. Ka pasur një regjistrim që në vitin 2020. Ka bërë një kallëzim PD dhe e kanë shpjeguar shumë bukur, Oerd Bylykbashi dhe Eno Bozdo.

Është e faktuar se, nga llogaria e inceneratorit të Tiranës janë paguar paratë e një studio shumë të preferuar të Edi Ramës.

SPAK nuk ka kryer asnjë lloj veprimi në lidhje me atë aferë.

Eco Parku është një rast flagrant që e akuzon drejt për drejt Edi Ramën.

Nëse u referohemi dyshes Mërtiri-Zoto kanë inceneratorin e Elbasanit, të Fierit, lanfillin e Sherishtës, EcoParkun në Durrës që është 19 mln euro dhe inceneratori i Tiranës.

Janë një grup veprash që është e pamundur të jepeshin pa një vendim nga lart.

Sot Sali Berisha akuzohet për një ndryshim ligjor të kaluar, procedura të paktën Elbasani dhe Tirana kanë pasur kundërshtime shumë të forta brenda kabinetit, ministri i Financave dhe i Drejtësisë dhe ka qenë edhe një letër e Felajt që thoshte jemi në shkelje të ligjit.

Asnjë prej këtyre procedurave  SPAK nuk po e heton.

Ka 4 vite që hetohet nga inceneratori i Tiranës dhe Arben Ahmetaj na tha me plotë gojë se pronarët janë, Edi Rama dhe Erion Veliaj’, tha Brisida Shehaj në SYRI TV.