Intensiteti i flakëve në Malin e Thatë është shtuar pasditen e kësaj të hëne.
CNA ka siguruar video nga zjarri, ku shihet se flakët kanë "përpirë" zonën pyjore, duke djegur gjithçka del përpara.
Rreth 200 hektarë me bimësi dhe kullota janë djegur, ndërsa flakët po vijojnë të përhapen me shpejtësi për shkak të erës.
Rreth 70 forca të Zjarrfikëses, të Forcave të Armatosura të Repartit Ushtarak Drenovë (Korçë), të Agjencisë Rajonale të Zonave të Mbrojtura dhe shërbimit pyjor ndodhen në terren.
Ata po punojnë për izolimin e flakëve dhe ngushtimin e perimetrit.
