I ftuar në edicionin e lajmeve ora 19.00 në Syri Tv me moderatoren, Armela Ferko për të diskutuar mbi ngjarjen e rëndë që ka ndodhur në Pogradec dhe tentativat për ta fshehur atë ishte analisti, Enton Ablekaj.

Abilekaj është shprehur se ngjarja në Pogradec tregon se si është transferuar pushteti në mënyrë jo legjitime te të fortët të cilët janë në një aleanca kulte me kryeministrin. 

"Kjo është një ngjarje tipike ku tregon se si është organizuar shteti dhe shoqëria nën qeverisjen e rilindjes. Është një ngjarje që tregon se si është transferuar pushteti në mënyrë jo legjitime te të fortët të cilët janë në një aleanca kulte me kryeministrin.

Ky pushtet i cili ka kapur të gjitha institucionet që fillon me tenderat, emërimet, lejet e ndërtimit në Pogradec por edhe në çdo cep të Shqipërisë. Ky pushtet nuk buron nga ligji por nga një njeri që është kryeministri.

Ky njeri i cili është veshur me pushtet dhe ka lidhjet me partinë socialiste shkon dhe vret njerëz të pafajshëm. Nëse nuk do të kishte reagim nga mediat kjo ngjarje nuk do të ishte zbardhur kurrë. Në garën mes njerëzve që janë mbi ligjin në raport me ligjin gjithmonë e fitojnë ata të parët."