Publicisti Fahri Balliu, ka qenë i ftuar mbrëmjen e sotme në “Opinion” ku ka sqaruar se, ku qëndron thelbi i debatit që po bëhet në lidhje me miratimin e Statutit të ri të PD-së.

Në emisionin e sotëm Balliu ka zgjedhur të flasë me emra konkret, duke e vënë përgjegjësinë mbi disa prej ish-figurave më të rëndësishme të PD.

Ai ka thënë se, thelbi shtrihet në dy çështje, në egocentrizmin personal dhe interesat e disa kritikëve me Ramën, i cili po orkestron sulmet ndaj Bashës.

Balliu tha se, kritikat ndaj kreut të PD nuk janë për çështje statuti, por janë të financuara nga Rama.   

"Nuk mund të jetë kritike për Partinë Demokratike dhe Lulzim Bashën, Majlinda Bregu sepse ka 3 vjet që punon për Edi Ramën. Ajo është investim i qeverisë në këto tre vjet... Në zgjedhjet që kaluan njerëz kritikë të partisë, si Ridvan Bode, u aktivizuan në Qarkun e Korçës duke u kujdesur që PD-ja të humbiste zgjedhjet",- ka thënë Balliu./55news.al/