Ndërkohë që Policia e Shtetit është e angazhuar nëpër takime me qytetarët, nga ana tjetër krimi nuk tërhiqet nga veprimtaria e tij kriminale Nuk ka ditë që të mos ketë ngjarje të rëndë në vendin tonë, nga vrasjet e deri tek shpërthimet me tritol.

Rekord për shpërthimet me tritol mban qarku i Vlorës, ku imazhe të makinave dhe njerëzve të hedhur në erë me tritol freskohen çdo ditë.

Ngjarja më e fundit është ajo e mbrëmjes së djeshme, ku dy shpërthime të fuqishme janë dëgjuar në qytetin bregdetar të Vlorës.

Një nga shpërthimet ka ndodhur në portën e jashtme të banesës së shtetasit F.B, 30 vjeç qe ndodhet pranë komisariatit.

Ndërsa, shpërthimi i dytë ka ndodhur në një banesë në afërsi të Bashkisë së Vlorës.

Jo më kot Gjermani është e shqetësuar lidhur me plotësimet e kushteve të vendit tonë për të hapur negociatat me BE.

Është e papranishme për ta, që të fillojnë proceduarat e anëtarësimit të një vendi, ku shpërthimet me eksploziv, krimi dhe kanabisi lulëzojnë.