Ish-ministri i mjekësisë Ilir Beqaj lë të sëmurë 5-vjeçarin Aldo, i cili nuk mund të flasë dhe të ecë. Fjalët boshe për mjekësi falas gjithmonë e më shumë po dalin në dritë.

Gjatë një intervistë për Syri.net babai i 5-vjeçarit, Hamdi Skeja bën apel për ndihmë pasi nuk ka gjendje ekonomike për ta përballuar operacionin e të bririt.

Gjatë intervistës ai tha se pretendohej për mjekësi falas, por ai i kishte blerë të gjitha mjekimet me lekë, “Ish-ministri dikur thoshte që shëndetësia është falas, por unë i kam blerë të gjitha me lekë. Djali im është bërë si i shtëpisë në spitale”.

Fjala e Plotë:

  ‘Djali im shërohet ma kanë thënë mjekët grekë. Në Ohër të Maqedonisë më kanë thënë që shërohet djali, në Poloni po ashtu në gjermani po ashtu. Operacioni shkon nga 50 mijë euro e sipër. Unë me ministren e sotme kam bërë protesta në Tiranë. Nuk e di nëse i kujtohem apo jo, por unë kam bërë protesta me të. Di të them që ministrja ka një kulturë shumë të madhe dhe një shpirt shumë të madh. Ish-ministri dikur thoshte që shëndetësia është falas, por unë i kam blerë të gjitha me lekë. Djali im është bërë si i shtëpisë në spitale. Nëse ministrja thotë që unë po ndihmoj qytetarët, e ka mundësinë. Pse thonë që është shëndetësia falas, dhe sot djali im duhet të vuajë. Nëse ka kaq shumë arritje, atëherë le ta marrë dhe ta shërojë djalin tim. Djali im nuk ka shkuar as në kopsht, as në çerdhe, madje në gjendjen që është nuk shkon as në shkollë. Unë me djalin tim Aldon, kemi një lidhje shumë të ngushtë dhe komunikojmë vetëm me shenja. Ministrja e Shëndetësisë duhet të dijë se në çfarë halli jam, nuk kam më as lot, le të vej ministrja veten e saj në vendin tim’, tha Skeja.