“Mësuesve do ju ndalohet hyrja në orë të mësimit me celularë, ne do ecim edhe më shumë tek nxënësit por ky është parakushti i parë”.

Kjo është deklarata e ministres së arsimit Lindita Nikolla gjatë një takimi me prindërit në Kavajë.

Deklaratë kjo, e një ministreje të dështuar, fatkeqësia e arsimit shqiptar.

A thua se celularët e mësuesve janë problemi kryesor i arsimit në Shqipëri!

Mjafton një inspektim i vogël nëpër shkolla për të kuptuar nivelin mizerabël të arsimtarëve të zgjedhur nga Ministria e Arsimit dhe numrin alarmant të diplomave fallco.

Për të mos përmendur reformën e shumë kundërshtuar, që do të vjelë familjet shqiptare.

Kjo qeveri po kryen eksperimente me të ardhmen e studentëve.

Kjo është një katastrofë universitare që po bëhet nga qeveria e sotme.

Duke e bërë universitetin të papërballueshëm për shumicën e popullsisë, reformuesit do ta bëjnë arsimin e lartë privilegj të klasave elitare.

Pasojat e projektligjit mbi arsimin e lartë do t’i vuajë mbi supe shoqëria, kombi, rinia, familja shqiptare që do të paguajnë për të blerë letra pa vlerë dhe bota shqiptare që do të vazhdojë të zhytet thellë e më thellë në errësirën e padijes dhe të manipulimit ideologjik. /55news.al