Dje, kryeministri i vendit, Edi Rama, shpalli një lloj fushate “për dhënie llogari” përpara popullit e cila na çoi në kohën e origjinës së partisë së tij. dikur në diktatorë, kohë pas kohe, dilnin nisma me karakter “revolucionar”, në të cilat synohej të vihej nën trysni burokracia në mënyrë që të ishte sa më e përkushtuar ndaj revolucionit.

Këto lloj nismash synonin të paraqisnin në popull “përsosmërinë” e udhëheqjes së partisë dhe të gjitha defektet t’ia kalonte burokracisë. Në atë kohë harrohej ligji (pavarësisht se i gjithë legjislacioni kishte problematikat e veta) dhe shiheshin nismat. Me të njëjtën metodologji po vepron Rama. Llogaridhënia e qeverisë është para Kuvendit.

Qeveria nuk jep llogari te parku i liqenit, pavarësisht se për komunistët në këto vende shfaqet edhe forma jo normale dashurie. Llogaria me shfaqje televizive me regji të Ramës, synon shkëputjen e vëmendjes nga gjithë ky korrupsion që e ka zënë për fyti Shqipërinë.

Përditë e më tepër flitet me tonelata drogë që kapen, për tendera, koncesione, abuzime me pushtetin, keqësim të marrëdhënieve me aleatin tonë madhor e strategjik, SHBA-në, etj. Këto mangësi të kësaj qeverisjeje pa frikë të themi kriminale, nuk korrigjohen me shfaqej folklorike se fajin e kanë drejtorët, etj. Se Rama vepron në harmoni të plotë me strategjinë e tij.

E nis në fillim me shkarkimin e drejtorëve të cilësuar “burokratë” se nuk zbatuan “porosinë” e masave, e vazhdon me promovimin e këtyre teknikave. Në komunizëm partia është “pararoja e klasës punëtore”. Rama e kupton dhe e promovon mirë këtë tezë.