Kioskëzimi i Tiranës po bëhet në një moment kur Policia Bashkiake përze me dhunë çdokënd që tenton të nxjerrë bukën e gojës duke shitur disa kokrra vezë apo pak fije qepë në trotuar.Në çdo dalje të tij publike për çështjen në fjalë, Veliaj e ka me qejf që veprimet e dhunshme të Policisë Bashkiake t'i justifikojë me faktin se trotuaret duhet lënë të lira që të kalojnë nënat me karroca fëmijësh.
Sipas logjikës së përdorur nga Veliaj, më shumë hapësirë zenë disa kokrra vezë në një qese se sa kioskat e vendosura në çdo cep të Tiranës.
Edhe pse duket retorike, do të ishte tepër interesante se si do t'i përgjigjej Veliaj pyetjes se kush zë më shumë vend në trotua.
