Ajo se flet në media prej kohësh duket se është realitet më në fund.

Kryeministri Edi Rama dhe ish-ministri i tij i Brendshëm, Saimir Tahiri, përmes miqve të tyre të përbashkët, kanë arritur në një marrëveshje të kënaqshme për të dyja palët.

Ka qenë Rama, i cili i ka dhënë garanci Tahirit se nuk do të arrestohet për trafikun e drogës dhe kanabizimin e Shqipërisë, ama ai duhet të bënte një sakrificë të vogël.

Duket se Tahirit, i ka pëlqyer marrëveshja dhe ditën e sotme, në një konferencë për mediat njoftoi se do të linte mandatin e deputetit.

Skenari në fjalë ka qenë i mirëmenduar që herët, që ditën kur mazhoranca vendoi që 6 muaj më parë të rrëzonte në Kuvend, kërkesën e Prokurorisë së Krimeve të Rënda për arrestimin e tij.

Me prova të qarta, Prokuroria kishte vërtetuar se Tahiri ishte pjesë e bandës së trafikut të drogës, të grupit të Habilajve, kushërinj të ish-ministrit, të cilët u arrestuan në Itali.

Ndërsa, pasi i dha 6 muaj kohë për të prishur provat dhe pas mori Prokurorinë, Rama e përdori edhe një herë Tahirin, siç e ka përdorur gjithnjë.

Në këmbim të negociatave, Rama pasi u kritiku ashpër në Gjermani për mbrojtjen që i ka bërë, gjetje një zgjedhje ideale.

Zgjidhja ishte marrëveshja mes tij dhe Ramës, ish-ministri nuk arrestohet, dhe Rama del i larë para gjermanëve.

Ama kryeministri ka harrur një detaj të vogël: Gjermania nuk është Shqipëria, që mund të manipulosh mediat, institucionet.