Mëngjesin e ditës së sotme, prokuroria ka mbërritur në selinë e Partisë Demokratike për të marrë audio përgjimin e vëllait të ministrit të Brendshëm Fatmir Xhafaj.

Mësohet se oficerë të policisë gjyqësore janë parë të futen në selinë e PD, ku do marrin dokumentet dhe audio-përgjimin që ka bërë publike kohët e fundit PD.

Në përgjime, PD thotë se vëllai i ministrit të Brendshëm, Agron Xhafaj, dëgjohet duke bërë pazare droge.

Në fakt, PD prej disa ditësh e ka denoncuar Agron Xhafën, por duket se vetëm ditën e sotme prokuroria është zgjuar dhe ka shkuar për të marrë provat në selinë e PD-së.