Prokurori i Krimeve të Rënda, Besim Hajdarmataj, që ka në dorë çështjen e ish-ministrit Saimir Tahiri, ka deklaruar ditën e sotme se tashmë është e provuar se ai ka drekuar në Greqi me Artan Habilajn.

Hajdarmataj deklaroi se janë dërguar letërporosi të reja, dy në Itali dhe një në Mal të Zi, dhe po priten përgjigje qe do te ndihmojnë me tej hetimet.

“Na rezulton e provuar se është zhdoganuar një skaf i blere nga Orges Liperi. U ble 15 mijë euro. Na rezulton e provuar që Saimir Tahiri ka drekuar në Greqi me Artan Habilajt. Do konfirmojmë që shumë të dhëna nuk rezultojnë fare në sistemin TIMS sikurse është rasti i Moisi Habilajt”, tha Hajdarmataj.

Tahiri në shumë raste e ka mohur se ka takuar vëllezrit Habilaj, të cilën ishin në krye të një grupi të trafikut të drogës drejt Italisë.

Prokuroria ka prova të qarta, se Tahiri kur ishte ministër, i ka ndihmuar atë për të kryer këtë veprimtari kriminale, ndërsa si shkëmbim ka marrë lekë dhe dhurata.