Edi Ramës nuk i ndahet shpirti nga njerëzit e inkriminuar. I dënuari për shfrytëzim prostitucioni Arben Ndoka, ish-deputeti i Ramës, që u detyrua të linte mandatin për akuzat e forta të përfshirjes në trafiqe vazhdon të bëjë ligjin në Qarkun e Lezhës.

55news.al ka investiguar emërimet në administratë në këtë qark. E një ndër emërimet më të fundit është ai i Drejtorit të Agjencisë së Konsumatorit dhe Ushqimit.

Në këtë pozicion pa meritokraci dhe jashtë sistemit të Administratës Civile është emëruar Ernest Ndreca. Në një kontroll të thjeshtë në profilin e  Ndrecës, për të parë se cilat ishin meritat e emërimit të tij, siç mund ta shihni edhe ën foton e mëposhtme duket CV-ja e pasuruar me aktivitete e përfshirje në fushatat elektorale të Partisë Socialiste.

(Me shigjeta nga e majta në të djathtë, Arben Ndoka dhe Pjerin Ndreu)

Në fotot e ëmsipërme Ernest Ndreca shfaqet edhe me ish-deputetin socialist i kapur nga ligji i dekriminalizimit.  Arben Ndoka, i dënuar nga Gjykata e Romës me 7 vjet e 27 ditë burg nën akuzën e shfrytëzimit të prostitucionit në rrethana të rënduara, dhe heqje të paligjshme të lirisë ndaj personave të tjerë. Gjykatat shqiptare, ajo e faktit në Lezhë, dhe e Apelit në Shkodër kanë bërë njohjen e vendimit të Gjykatës së Romës dhe e kanë ulur masën e dënimit në 4 vjet burgim. Arben Ndoka, është transferuar nga Italia për ta vuajtur dënimin në Shqipëri. Arben Ndoka më pas ka përfituar nga sistemi ynë i drejtësisë lirim para kohe me kusht, dhe në vitin 2005, është liruar. Ky është pra personi që Edi Rama futi në listën e Lezhës në zgjedhjet e 23 qershorit.

E për ta lidhur me emërimin e drejtorit të ri të AKU, ky është sistemi që Rama ka aplikuar për emërimin në administratë. Mjafton të shërbesh në fushatat elektorale dhe të zbatosh urdhërat e personave si Arben Ndoka që ti ta meritosh vendin e punës.