Dhjetëra qytetarë kanë dalë para Ministrisë së Brendshme, ku kanë kërkuar largimin e ministrit Famtir Xhafaj, pas akuzave për vëllain e tij, Agron Xhafajn.
Protesta ka nisur me tensione, pasi policia e drogës, ka sulmuar qytetarët të cilët mbanin në duar parulla kundër qeverisë së Edi Ramës dhe ministrit Xhafaj.
Në mbështetje të protestuesve, kanë shkuar disa deputetë të PD-së, ku kanë kërkuar largimin e menjëhershme të Fatmir Xhafajt.
Protestuesit kanë goditur me vezë drejt godinës, ndërsa në hyrje kanë vendosur disa kuti, duke nënkuptuar pako me drogë.
Në kutitë e kartonit shkruhet “Porosi per Geronin”, “taksirat o Gone, ma hidh përtej detit”, “çoma dhe mua ketë plaçkën tutje o pasha”.
Protesta vjen në një kohë kur Rama nuk e shkarkoi Xhafajn, vëllai i të cilit është i dënuar me 7 vite burg në Itali, por nuk është arrestuar nga policia shqiptare. /55News.al/
