Kryetari i opozitës e cilësoi komplot shtetëror për të mbyllur me metoda mafioze këtë skandal të përmasave evropiane, përpjekjet e Ramës dhe vartësve të tij për të mbyllur çdo lidhje dhe çdo provë për skandalet e fundit.
“Po bëhen përpjekje gjigande që Saimir Tahiri t’ia hedhë pa u lagur ose të njomet fare pak. Fatmir Xhafaj ka vetëm një detyrë: të shpëtojë vëllain dhe veten e vet. Rama merr gjithë ditën të mbrojë kriminelët. E gjithë energjia dhe koha e Ramës është për mbrojtjen e tyre. Qeveria e Edi Ramës është lidhur kokë e këmbë me krimin”, tha Basha.
