Sekretari i Përgjithshëm dhe Deputeti i Partisë Demokratike, Arben Ristani ka folur sot për dosjet që PD ka për ministrat e tjerë të qeverisë Rama.

Ai tregoi se dosjet e tjera që ka PD lidhen me çështje droge dhe vjedhje të pasurisë publike

I ftuar në emisionin ’45 minuta’ në Report Tv, Ristani tha se janë duke u verifikuar të dhënat teksa tregoi se materialet kanë të bëjë me çështje droge dhe me vjedhje të pasurisë publike.

“Informacionet vijnë për ditë, vijnë qoftë nga investimet gazetareske, qoftë nga institucionet. Janë duke u verifikuar disa të dhëna të tjera të cilat implikojnë edhe ministrat të tjerë.

Lidhen dhe me çështje droge dhe me vjedhje të pasurisë së publike”, deklaroi Ristani.