E ftuar në Studion e lajmeve të Syri.net, deputetja demokrate, Grida Duma, shpjegoi se çfarë do të ndodhë në protestën e 26 majit.

E pyetur se nëse do të ketë rrethim të kryeministrisë, Duma u shpreh se PD ka treguar gjithmonë të protestojë në mënyrë perëndimore.

“Nuk na çudit aspak se sapo vijnë 48 orët e fundit para protestës kemi diversionin nga kampi kundërshtar. Ata duhet të krijojnë përshtypjen që këtu do të bëhet nami prandaj largohuni. Por nuk kemi ne pse u themi çfarë do të ndodhë.

Axhenda është që do të ketë një marshim që do të mblidhet drejt bulevardit qendror. Por besoj se axhenda nuk do të mbajë thjeshtë një divergjencë, por do të mbajë mesazhin e një revolte qytetare’, deklaroi Duma.