Opozita është e vendosur që t’i shkojë deri në fund çështjes së ministrit të Brendshëm, Fatmir Xhafajt.
Me pankarta në duar, simpatizantë të PD-së por edhe LSI-së po kërkojnë largimin e tij nga detyra.
Gjithashtu e enjtja do të jetë dita e përplasjes së madhe mes PD-së dhe PS, ku pritet që seanca parlamentare të shoqërohet me debate të forta.
Opozita tashmë e ka paralajmëruar se nuk do të ketë seanca normale, deri në largimin e Xhafajt nga detyra.
Partia Demokratike ka bërë me dije se Agron Xhafaj është dënuar me 7 vite burg për trafik droge, ndërsa ai është ndihmuar nga vëllai i tij, Fatmir Xhafaj për të mos kryer këtë dënim.
Opozita ka hedhur akuza të forta ndaj Xhafajt se për të shpëtuar vëllain e tij, kur ishte në krye të Komisionit të Reformës në Drejtësi ka ndryshuar nenin që flet për ekstradimet.
