Në një intervistë për “La Gazzeta dello Sport” presidenti i Realit të Madridit, Florentino Perez, ka deklaruar se pret që në gjysmëfinalet e Champions League të ndeshet me Bayern Munchen.
Kur u pyet për një finale të mundshme Barça-Real, Perez tha: “E rëndësishme është që të shkojmë në finale. Mund të ndodhë që të ndeshemi me Barcelonën, pasi mendoj se në gjysmëfinale do të na bjerë Bayern Munchen sepse kështu na ka rënë gjithmonë. Por, të eliminojmë Juven fillimisht”.
Në intervistë, Perez u shpreh pozitivisht për Ronaldon.
“Është trashëgimtari i Di Stefanos dhe te ai pasqyrohen vlerat e Realit. Është golashënuesi ynë më i mirë në histori dhe përfaqëson talentin, punën, sakrificën, profesionalizmin dhe ambicien. Cristiano është sot simboli i Realit”, pohoi Perez.
