Pas blerjes së Cristiano Ronaldos nga Real Madrid, Juventus tani po përpiqet për të bërë për vete edhe mbrojtësin e majtë Marcelo. Për ta bindur këtë të fundit që të bashkohet me juventinët mund të japë një “asist” edhe vetë portugezi, i cili ka marrëdhënie të shkëlqyer me brazilianin.

Për bardhezinjtë lojtari mund të jetë fitorja e merkatos, pasi Paris SG vazhdon të bëjë presion për Alex Sandron dhe Allegri mund të ketë nevojë për një mbrojtës të majtë shumë shpejt. Juve në këtë pikë do të pranonte ta shiste vetëm për një çmim te rreth 40-50 milionë Euro, që mund t’i lejonte të provonte të konkretizonte me Marcelon.

Megjithatë shihet se edhe Real Madrid do të bëjë çmos për të mbajtur lojtarin, sidomos nëse do të detyrohet të lërë Modric të bashkohet me Interin.

Por fakti që Juve arriti të marrë CR7 dhe ai ka një marrëdhënie të shkëlqyer me Marcelon dhe të dy kombinojnë shumë mirë me njëri-tjetrin, me brazilianin që shpesh merr krahun e majtë në sulm dhe portugezin qe futet më në qendër për të dërguar topin në rrjetë. Gjithsesi, në Torino po e marrin me qetësi, në pritje të lëvizjes përfundimtare.