Në mbrëmjen gala të zhvilluar të hënën në Londër, Luka Modric ka mposhtur sërish Cristiano Ronaldon, duke u shpallur futbollisti i vitit edhe nga FIFA, ndërsa pak ditë më parë e mori këtë çmim edhe në Champions League.

Në këtë garë, Modriç kishte konkurrent Salah dhe Ronaldon, por paraqitjet e tij sezonin e kaluar e kanë vlerësuar atë si futbollistin më të mirë të vitit.

Në këtë mbrëmje, nuk doli pa trofe edhe Salah, i cili rrëmbeu çmimin “Puskas” për golin më të bukur të shënuar në ndeshjen Liverpool Everton.