Janë luajtur sot ndeshjet e raundit të shtatë në kampionatin maqedonas dhe kjo javë nuk ka qenë shumë pozitive për skuadrat e kreut. Shkëndija dhe Akademija Pandev kanë humbur, duke bërë që Vardari të marrë kreun.
Shkëndija e Tetovës u mposht në shtëpi nga skuadra e Pobeda. Kuqezinjtë tetovarë nuk arritën të shmangnin humbjen, pavarësisht se dominuan përgjatë gjithë takimit.
Humbje ka pësuar edhe Shkupi, në transfertën e vështirë Belasica, ndërsa Vardari ka triumfuar 1-0 kundër Sileksit, fitore që i ka dhënë dhe kreun e renditjes. Makedonija ka triumfuar bindshëm 3-0 kundër Rabotnickit, ndërsa Akademija Pandev është mposhtur pastë në shtëpi 0-2 nga Renova.
