Pritej se Arturo Vidal do të startonte në ndeshjen kundër Tottenjamit në kuadër të Ligës së Kampionëve, mirëpo në vend të tij ishte Ousmane Dembele, dhe pas kësaj, mesfushori kilian e shprehi zemërimin e tij në Instagram.
Vidali ishte shumë i zemëruar, dhe këtë e shprehi duke e postuar një emoji në Instagramin e tij zyrtar, që e simbolizon zemërimin.
Ish-mesfushori i Bayernit u inkuadrua në minutën e 87-të të ndeshjes, dhe kjo bëri që ai të shprehë pakënaqësi.
Klubi katalonas nuk është i brengosur për reagimin e tij.
“Do të ishte më keq nëse ai nuk do të interesohej fare, është e logjikshme që është i zemëruar”, kështu ishte një koment që doli nga dhoma e zhveshtores së Barcelonës, shkruan Marca.
Klubi pret që ai të adoptohet më shumë me stilin e ekipit. Arturo Vidal erdhi gjatë kësaj vere nga Bayern Munichu për 20 milionë euro, dhe deri më tani nuk po arrin të gjejë vend në formacionin bazë të Ernesto Valverdes.
