Sulmuesi i ekipit të Juventusit, Cristiano Ronaldo, nuk do të luajë në ndeshjet e ardhshme me kombëtaren e Portugalisë.

Sipas “Record”, Ronaldo e mori vendimin për të mos luajtur me përfaqësuesen e tij pas një diskutimi me presidentin e federatës Portugeze të futbollit dhe trajnerin Fernando Santos.

Portugezi nuk do të grumbullohet për sfidën e 11 tetorit kundër Polonisë dhe miqësoren me Skocinë në 14 tetor. Ronaldo gjithahstu mund të mungojë edhe në ndeshjen e 17 nëntorit në “San Siro” kundër Italisë dhe në atë pasuese ndaj Polonisë, të dyja të vlefshme për Ligën e Kombeve.

Por sipas asaj që bëhet me dije nga mediat vendase, është se pavarësisht se sulmuesi mungoi edhe në disa ndeshje të muajit shtator, nuk ka ndërmend të heqë dorë nga Portugalia.