Trajneri i Milanit, Gennaro Gattuso ka përgëzuar skuadrën e drejtuar prej tij pas finales së humbur ndaj Juventusit, ku shprehet se ata dhanë gjithçka pavarësisht rezultatin.

“Duhet të përgëzoj djemtë e mi. U munduam të ngjisim një mal të madh, dhe pas episodeve të krijuara, e gjykoni vetë. Përjashtimi i Kessie me të kuqe ishte i drejtë, por nëse ekziston teknologjia le të përdoret. Dhamë gjithçka në fushë, ndoshta edhe diçka më shumë, tani le ecim përpara. Djemtë janë të gjallë, kemi pika të forta, por edhe defekte, por në fushë dhamë të gjithë karakterin tonë. Në Genoa do të shkojmë me shumë mungesa, por sot kemi pak shije të hidhur nga kjo ndeshje”, tha Gattuso.

Në fund edhe “çështja Higuain” komentohet nga trajneri i Milanit, i cili thotë: 

“Nuk ndodhi asgjë. Ai kishte  temperaturë mbrëmë. Bëmë gjithçka që ta kishim në fushë, por nuk kishte fjetur shumë. Duket si shaka, por kur Princi i Arabisë erdhi të na përshëndeste sot, doja të mos ishte aty sepse mund të shpërndante virusin tek të tjerët”.-deklaroi ish-mesfushori italian.