Skuadra e Kansas City Chiefs ka shënuar një fitore jashtëzakonisht të rëndësishme në futbollin amerikan.

Kansas ka mposhtur skuadrën e San Francisco 49ers me rezultatin final 31-20.

Sipas lajmi.net, ky triumf ka shije edhe më të mirë për skuadrën e Chiefs, pasi është triumfi i parë pas 50 viteve në Superbowl. 

Fitorja e Chifes erdhi me një përmbysje spektakolare, e cila u udhëhoq nga Patrick Mahomes, që ishte në superformë në këtë ndeshje.

Çerekun e katërt, skuadra nga Kansasi e nisi me 10 pikë më pak, por në fund gëzuan tifozët e tyre, duke kompletuar përmbysjen.

Me këtë triumf të arritur, Chiefs bëhet skuadra e parë në NFL që fiton tri ndeshje pasi kanë qenë në disavantazh prej 10 ose më shumë pikëve, në një sezon të vetëm.

Kujtojmë se Superbowl është një nga ngjarjet më të mëdha sportive në SHBA, dhe Mahomes, heroi i Kansas, është njeriu për të cilin po flitet më së shumti aktualisht.

Urim për skuadrën e Chiefs ka përcjellë edhe presidenti i SHBA, Donald Trump.