Sindrit Guri, Elis Bakaj , Rauf Aliev, Amido Balde. Dy prej tyre e mbyllën aventurën te Kukësi pa përfunduar sezoni, ndërsa dy të tjerët i kanë përgatitur valixhet.

Në këtë mënyrë drejtuesve blu i duhet të rimëkëmbin një nga repartet kryesorë në sportin e futbollit. Hapat e parë janë hedhur që tani dhe majde janë vendosur piketat për ristartin e përgatitjeve në kuadër të Europa Leagues.

 Kukësi pas mbylljes së ediconit do të rikthehet të stërvitet më 15 qershor dhe me shumë mundësi faza përgatitore do të zhvillohet në Slloveni për të shfrytëzuar edhe klimën më të freskët.

Drejtuesit kanë vendosur në funksion radarët për të gjetur dy lojtarë sulmues të aftë për të plotësuar hapësirën që do të krijojë largimi i Gurit, kuptohet më e lehtë ta thuash se sa ta realizosh.

Megjithëse të gjithë futbollistët aktual kanë nëshkruar për të qënë pjesë e skuadrës edhe në Europa League duket e vështirë që 24-vjeçari shkodran dhe klubi ti rezistojnë ofertave deri në mbyllje të aventurës europiane. Enea Koliçi është gjithashtu i destinuar të largohet pas fundit të sezonit, megjithëse dëmtimi i Frashërit mund ta detyrojë portierin të qëndrojë.

Veri-lindorët kanë nisur kërkimet për të afruar edhe 2 mesfushorë e një mbrojtës. Pra kantieri e ka hedhur shtresën e parë dhe intesnisteti i punimeve është i lartë për të ndërtuar një skuadër sa më shumë konkuruese dhe synimi i presidencës është i qartë, të ndiqen gjurmët e Skënderbeut që sezonin e shkuar siguroi fazën e grupeve në Europa League.

Në raundin fillestar blutë falë koefiçentit ndodhen në vazon më të mirë c’ka do të thotë se nuk do të kenë përballë kundërshtarë të nivelit të lartë, megjithatë kalimi i vetëm një turi do të konisderohej një dështim, krijimi i këtij mentaliteti në vetvete është një sukses.