Zinedine Zidane ka folur për mediat para sfidës finale të Ligës së Kampionëve.

Real Madrid dhe Liverpool do të takohen gjatë fundjavës në finalen e garës prestigjioze evropiane në Kiev të Ukrainës.

Trajneri francez, Zidane nuk ka pranuar të bëjë krahasim me Cristiano Ronalon dhe Mohamed Salahun.

Në fakt, në pyetjen e gazetarëve rreth ndërrimit të portugezit me egjiptianin, strategu ka qenë konkret në përgjigjen e tij.

“Jo. Kam Cristianon dhe flas për lojtarët e mi. Ronaldo është më i miri, ai e dëshmon këtë çdo vit dhe gjëja më e mirë është se me ne”, tha ndër të tjerash Zizu.

Kujtojmë se kjo është finalja e tretë rresht e trajnerit, ku në dy raste e mëparshme ka fituar trofeun e çmueshëm të kampionit.

Theksojmë se në rast të triumfit, ky do të ishte trofeu i 13 për Realin ndërsa i gjashti për Liverpoolin. /Telegrafi/