Sulmuesi polak Robert Lewandoëski nuk do të luajë më me skuadrën e Bayern Munich.

Ky vendim i është bërë m dije drejtuesve të Bayernit nga agjenti i Lewandowskit. Futbollisti 29-vjeçar është përshkruar nga Rummenigge si besnik dhe ka për ta zbatuar deri në fund kontratën që e lidh me gjermanët, e cila skadon në 2021-shin. Por duke iu referuar asaj që shkruan gazeta prestigjoze Bild, Leva nuk dëshiron të luajë më në Gjermani pasi objektivi i tij është të provojë një eksperiencë të re larg Bundesligës.

Mbetet për t’u parë se cila do të jetë skuadra e re e Leëandoëskit, ky i fundit shihet si një alternativë e mirë për të zëvendësuar Benzema tek Real Madrid. E nga ana tjetër edhe Bayern Munich ka shprehur interes për francezin e Real, e nuk përjashtohet edhe shkëmbim mes tyre. Por përveçse spanjollëve të Madridit, edhe Chelsea e PSG janë dy skuadra tepër të interesuara për shërbimet e sulmuesit polak.