Deri tre vjet me pare 20-vjeçarja Anxhela Meçani jetonte ne periferi te Tiranës, ne Shqipëri. Me pas ajo u transferua në Itali sepse i dashuri i saj i kishte premtuar një punë si balerinë në lokalet e natës.

Një iluzion që nuk zgjati shumë për shkak se Anxhela përfundoi në trotuaret e disa qyteteve në Veri të Italisë.

Jeta e saj u ndërpre brutalisht të dielën mbrëma në Torino, ku ajo kishte vetëm disa muaj që jetonte.

Sipas asaj që mjekët e spitalit Santa Croce në Moncalieri kanë konstatuar pasi morën trupin e saj, vajza u rrah brutalisht dhe pastaj, teksa ishte pa vetëdije, u hodh nga një makinë qe ishte ne ecje, përgjatë rrugës që çon në Stupinigi.

“Ata që e lanë trupin ne rruge, – shpjegojnë burimet e policisë-, mendonin se vajza ishte tashmë e vdekur”.

Por nuk ishte kështu. Një dëshmitar qe pa ngjarjen u përpoq ta shpëtonte, thirri menjëherë ambulancën dhe policinë.

Prostituta 20-vjeçare u dërgua në spital por përpjekjet e mjekeve për ta shpëtuar atë ishin te kota, Anxhela vdiq pak pasi mbërriti ne spital.