Një aksident ka ndodhur në rrugën Elbasan-Metalurgji. Të përfshirë në aksident janë shtetasi  F.T., 60 vjeç , banues në lagjen “Shënkoll”, Elbasan, duke drejtuar mjetin tip “Man –Kamion”, me targa EL 4817P, i cili u përplas me mjetin tip “Volswagen” , me targa AA 325 DA, me drejtues shtetasin B.S., 30 vjeç, banues në Elbasan.

Si pasojë e këtij aksidenti ka mbetur i plagosur 30-vjeçari, i cili është dërguar  në Spitalin Rajonal  Elbasan dhe është jashtë  rrezikut për jetën.

Grupi hetimor ndodhet në vendngjarje dhe po punon për zbardhjen e shkakut të aksidentit.