Rexhep Rraja, djali i deputetit socialist Rrahman Rraja i akuzuar për dhunimin e Xhisiela Malokut, do të dalë sot në 10:00 para Gjykatës së Krujës për vlerësimin e masës së sigurisë.

Në pamjet më poshtë është momenti kur Rraja del nga paraburgimi i Durrësit dhe niset me makinën e policisë drejt Krujës.
Prokurorja Mirela Kapo do të kërkojë “arrest me burg” për 24-vjeçarin për akuzën e “përndjekjes” ndaj Xhisiela Malokut.

Por me interes pritet vendimi i gjyqtares Enkelejda Hoxha, që do vendosë nëse Rraja do të vijojë të qendrojë në burg apo të do hetohet në gjendje të lirë.

Rexhep Rraja u arrestua paraditen e së dielës 30 shtator, teksa ndodhej në një biznes pranë Rinasit. Ndaj tij është ngritur vetëm akuza e “përndjekjes”. Ndërkohë ekspertiza mjeko-ligjore vërtetonte se ndaj 25 vjeçares Xhisiela Maloku ishte ushtruar dhunë, duke i djegur cigare në trup si dhe duke e goditur me qytën e pistoletës.

Vajza nga fshati Zezë i Niklës, mohoi mbrëmë gjithçka në një intervistë në “Opinion”. Ajo tha se Rexhepi e ka goditur vetëm me një shpullë, duke mohuar ato ç’ka ka deklaruar në korrik në polici se Rraja e ka dhunuar dhe kërcënuar me qytën e pistoletës