Kryeministri Edi Rama ka nisur një monolog online me studentët protestues nëpërmjet Facebook. Rama ka bërë thirrje që studentët të dialogojnë me qeverinë, jo të refuzojnë negociatat.

më kot  ka sjellë si shembull se dialogu është i domosdoshëm pasi në të kundërt protesta e tyre do t’i ngjante asaj të “Çadrës”, duke u referuar me ironi protestës së PD-së në vitin 2017, prej nga ku dilnin vetëm ultimatume, sipas tij.

Rama ka tentuar t’i ndikojë të rinjtë e t’i përçajë ata, duke synuar gjithmonë të nxjerrë prej tyre një grup, një përfaqësi, në emër të dialogut.

“Më thonë plotëso kërko kërkesat tona. Cilat protesta, se mua më kanë ardhur 7 apo 8 kërkesa.

Protesta organizohen për tu dëgjuar dhe qeveritë dëgjojnë, por në momentin kur qeveria thotë hajde të flasim, unë nuk kam dëgjuar jo nuk duam të flasim.

E vemja herë që ka ndodhur kur refuzohet dialogu ka qenë me opozitën kur u futën në çadër bënë dhe parashutuar kërkesat, por nuk dialogonin.

Nëse protesta është e atyre që dolën spontanisht në një protestë për një gjë të drejtë, duhet të dialogojmë. Dialogu nuk është një akt martese me zor, por është një akt ku palët flasin dhe dëgjohen. Vazhdoni protestoni dhe shumë mirë bëni që protestoni.

Si mund të jemi sot në këtë Shqipëri, duke bërë një rrugë të gjatë dhe të vështirë, dhe të punojmë kundër dialogut me qeverinë dhe kryeministrit.  Pse ca është kryeministri dyqan, magazinë, ku shkruhen kërkesat dhe merren përgjigjet nga televizori?”

Në vazhdim, Rama u ka kërkuar t'i shkruajnë në facebook, që të mund t'u përgjigjet.