Të gjithë qytetarët që udhëtojnë drejt Shqipërisë me automjetet e tyre me targa të huaja të presin policat kufitare vetëm në pikat e autorizura dhe nga agjentë të licencuar. Autoriteti i Mbikëqyrjes Financiare ka publikuar një listë me këshilla për qytetarët lidhur me policat kufitare.

Sipas AMF-së, ata mund të pajisen me policat kufitare nga agjentët e shoqërive të sigurimit të cilët gjenden në çdo pikë doganore në Shqipëri. Agjentët janë të miratuar nga AMF dhe punojnë për shoqëritë e sigurimit pikërisht për shitjen e policave kufitare.

Çdo policë e sigurimit kufitar që mund t’iu ofrohet pa hyrë në territorin e Republikës së Shqipërisë, apo që është e plotësuar me shkrim dore dhe jo me mjete elektronike, është në kundërshtim me rregullat e legjislacionit shqiptar, dhe si e tillë është e pavlefshme.

Që një policë kufitare të jetë e vlefshme, ajo duhet të figurojë në regjistrin online në faqen zyrtare të AMF-së. Elementët e sigurisë që duhet të ketë Polica Kufitare janë:

Numri i serisë së policës është unik dhe duhet të fillojë me dy shifrat e fundit të vitit aktual. (Shembull: Viti 2018 = 18xxxxxxx).

Polica e sigurimit kufitar është e shkruar në format elektronik dhe në asnjë rast me shkrim dore.

Polica ka një numër unik të rastësishëm identifikues të policës së sigurimit në regjistrin elektronik online të shitjeve të sigurimit të detyrueshëm motorik me elementë sigurie të gjeneruar nga AMF.

Raportimi dhe identifikimi i policave kufitare të shitura nga kompanitë e sigurimit bëhet në kohë reale nëpërmjet regjistrit elektronik online të shitjeve. Këtë mund ta bëjnë nëpërmjet faqes zyrtare të Autoritetit, ëëë.amf.gov.al, në rubrikën “Verifikoni Policën tuaj”, duke ndjekur gjithë hapat e nevojshëm, ose duke dërguar me SMS numrin e targës tuaj në numrin e celularit +355694060671.

Ndërsa u bën thirrje qytetarëve që të tregohen të kujdesshëm dhe të verifikojnë policën e tyre kufitare, i fton ata të kontaktojnë autoritetin për çdo problem që mund të ndeshin përmes adresës elektronike This email address is being protected from spambots. You need JavaScript enabled to view it. ose duke shkruar në inbox-in e faqes zyrtare në rrjetin social Facebook.