Një shpërthim eksplozivi është shënuar gjatë natës së lënë pas, në bankomatin e një banke. Ngjarja ka ndodhur në Urën Vajgurore, ku autorët kanë mundur të marrin paratë. Më konkretisht rreth orës 02:24 të mëngjesit të kësaj të premteje, në Urën Vajgurore, është konstatuar nga shërbimet e patrullës së përgjithshme, se është shpërthyer dhe vjedhur bankomati i një banke të nivelit të dytë, ku kanë marrë një sasi lekësh. Grupi hetimor po punon për sqarimin e plotë të rrethanave të ngjarjes si dhe kapjen e autorëve. Aktualisht po bëhet këqyrja e kamerave të sigurisë, për të bërë të mundur identifikimin dhe kapjen e autorëve.