Sot në Kuvendin e Komunës së Tuzit, Alternativa Shqiptare, Lidhja Demokratike Shqiptare dhe Unioni Demokratik i Shqiptarëve, nënshkruan koalicion parazgjedhor.

Koalicioni u nënshkrua nga lideri i ASH-së, Nik Gjeloshaj, lideri i LDSH-së, Nikollë Camaj dhe lideri i UDSH-së-Dega e Malësisë, Fadil Kajoshaj.

Këtë vendim e ka përshëndetur edhe Presidenti i Republikës së Shqipërisë Ilir Meta. Duhet thënë se ky vendim vjen fill pas vizitës së Presidentit Meta në Mal të Zi ku takoi drejtuesit e partive politike shqiptare dhe u beri thirrje te bashkoheshin për të fituar Komunën e Tuzit.

” E përshëndes vendimin e mençur të udhëheqësve të subjekteve politike shqiptare në Malin e Zi për arritjen e marrëveshjes për formimin e një koalicioni të përbashkët parazgjedhor për zgjedhjet lokale të 3 marsit në Komunën e Tuzit.

Duke u uruar suksese në këtë garë elektorale, jam besimplotë se kjo marrëveshje është një hap në drejtimin e duhur për fitoren dhe drejtimin e Komunës së Tuzit përmes bashkëpunimit por edhe bashkëjetesës shembullore me malazezët dhe me të gjithë grupimet e tjera etnik”, shkruan Presidenti Meta në Facebook.