Edhe pse është e shtunë, zyrtarisht ditë pushim, kryeministri Edi Rama ka zhvilluar një monolog me studentët në sallën e re të rikonstruktuar të studimit tek Konviktet e Mjekësisë.  Gjatë fjalës së tij, kryeministri i kërcënoi studentët që të shkojnë në mësim, pasi në të kundërt do humbasim vitin.

“Pakica pengon shumicën që të zhvillojë mësim. Shkoni në mësim sepse do humbisnin vitin akademik”- tha Rama.  Në vend që të flsite për studentët, kushtet e tyre të këqija dhe ashtu sic tha një studente  “se kushtet në konvikte janë të vështira dhe se jetojnë 4 veta në një dhomë”, Rama tha se do i grumbullojmë të gjitha nakesat dhe, në të ardhmen do i bëjmë. Rama thotë “me kalimin e kohës kushtet do përmirësohen dhe do ndërtohet edhe korpusi universitar”, por nesër nuk i dihet, “ja i zoti ja gomari”, siç thotë populli!.

 I gjithë halli i Ramës sot me studentët e Mjekësisë, nuk ishin kushtet e tyre, protesta, por ishte halli i grevës së pedagogëve, të cilët nuk i la pa i komentuar.  Ai tha se “Universiteti është autonom dhe se autonomia nuk është liria e pedagogëve që të bëjnë grevë dhe t’i lënë studentëve rrugëve por është përgjegjësi për t’i dhënë mësim studentëve për të cilën paguhen.”

Sipas tij, autonomia nuk është liri për të thënë “unë ngujohem dhe në emër të një pakice pengoj shumicën të marrë mësim por është përgjegjësi”. Për këtë shtoi se policia nuk ndërhyn në universitet, pikërisht sepse ka autonomi.

Madje Rama u bëri thirrje studentëve që ata të dhunojnë hapur rektorin si gjoja “përgjegjës” për stituatën e tyre: “ Kaq pula jeni? Shkoni dhe kërkoni të drejta tuaja? Ju të pranoni që një grusht njerëzish dhe një grusht pedagogësh t’ju kërcënojnë dhe t’ju thonë se jeni tradhta, e të mos mblidheni bashkë për të qëndruar tek dera dhe për të kërkuar llogari deri kur të hapet dera për të shkuar në shtëpi të rektorit dhe për ti thënë dil jashtë. Dili zot vetes tende”, u shpreh Rama.

Ndonëse pedagogët kanë kërkuar që të ndalohet fyerja e denigrimi ndaj tyre, Rama i shtoi edhe më shumë dozat e ironisë, fyerjeve dhe talljet ndaj tyre, duke i përçarë e duke i sharë.

Të gjitha këto teza naziskine të tij, “ku shumica, apo masa ka gjthmonë të drejtë”, ku intelektuali dhe zyrtari mund të fyhen e dënohen nga masa, turma, ku “partia e pushteti i di të gjitha”, ku nuk ka rrugë tjetër, “o me mua, o kundër meje”, etj, etj, Rama i përdori sot kundër atyre që do të marrin stafetën nesër./55news.al"