Gazetari Spartak Koka ka zbuluar sonte ne ‘Opinion’ se një punonjës Policie në Elbasan është kapur duke folur me pjesëtarë të grupit të grabitësve që vodhën ditën e djeshme 10 milion euro në Tiranë.
Sipas Kokës paratë i përkisnin tre bankave të nivelit të dytë që do të nxirrnin paratë jashtë Shqipërie me destinacion Vjenën.
“Një ish punonjës policie, nga Elbasani dyshohet të ketë patur telefonata me pjesëtarë të këtij grupi, ky grup shkon në 23-24 veta në total. Po verifikohen dhe informacione për ish0punonjës të ICTS-së dhe aeroportit që dyshohet se i kanë dhënë informacione grupit”, tha gazetari Spartak Koka në emisionin Opinion, që publikoi dhe mëyrën se si lëvizën autoblindat që çuan paratë në Rinas.
