Ish-kryeministri Sali Berisha ka publikuar një video në faqen e tij zyrtare në “Facebook”, përmes së cilës tregon aksionin e policisë në zonën e “Astirit”, ndërsa thotë se efektivët po ushtrojnë terror ndaj qytetarëve, të cilët vijojnë rezistencën prej muajsh në mbrojtje të shtëpive të tyre.
Ai shkruan se arrestimi i qytetarëve paqësorë të “Astirit” po bëhet me urdhër të kryeministri Edi Rama dhe ministrit të Brendshëm, Sandër Lleshaj.
“Edvin Mafia dhe gjeneral Hashashi urdherojne kriminelet me unifrome te arrestojne protestuesit paqesor te Unazes se Madhe!Denoj me ashpersine me te madhe terorrin banditesk te narkoshtetit ndaj protestuesve te pamposhtur paqesor te Unazes se Re dhe kerkoj lirimin e menjehershem te te arrestuarve. Sb”-shkruan Berisha.
