Një aksident me pasojë vdekjen e një personi ka ndodhur mbrëmje e sotme në afërsi të “Shkëmbit të Kavajës”. Një mjet ka përplasur këmbësorin, i cili ka humbur edhe jetën. Për shkak të aksidentit janë krijuar radhë të gjatë në trafik, aq sa dhe ambulanca e ka patur thuajse të pamundur që të mbërrinte në vendngjarje.

Ndërkohë që burime paraprake bëjnë me dije se këmbësori i ka prerë rrugën makinës, ndërkohë policia dhe grupi hetimor ndodhen në vendin e ngjarjes dhe po punojnë për përcaktimin e shkaqeve.

Informacioni paraprak:

Më datë 20.09.2019, rreth orës 18:30, në autostraden Kavajë – Durrës,​  te Shkëmbi Kavajës, mjeti tip “Volkswagen” me drejtues​ shtetasin D. Gj., ka aksidentuar këmbesorin shtetasin R.D., rreth 80 vjeç, i cili ka ndërruar jetë.

Drejtuesi i mjetit është shoqëruar në ambientet e policisë për veprime të mëtejshme. Grupi hetimor po punon për sqarimin e rrethanave të ngjarjes.