Një qytetar i Tiranës ka ngritur shqetësimin e madh sot për vdekshmërinë e foshnjave. Nisur nga një situatë alarmante që duket se ai e ka përjetuar, qytetari ka njoftuar në portalin “Jeta osh qejf” se një foshnje tremuajshe ka vdekur në rrugën “Teki Selenica”.

Mirëmëngjes JOQ! Mëngjesin e sotshëm jemi zgjuar nga ulërimat dhe të qarat e një zonje. Një tjetër foshnjë 3 muajshe ndërroi jetë. Çfarë po ndodh kështu? Foshnja e tretë që po dëgjojmë. Qeveria realisht duhet të marrë masa mos të ndodhin më. Foshnja ka vdekur në Tiranë, në rrugën Teki Selenica. Gjithë natën kemi dëgjuar zhurma po nuk e kemi kuptuar. Në mëngjes gjyshja po thoshte “Bir i nënës vet”. Kur kemi shkuar, mësuam se ishte vetëm 3 muajsh”.

Lajmi nuk është konfirmuar më vete nga Syri.net, por thirrja e qytetarit që nuk është identifikuar ia vlen të dëgjohet: "Qeveria të marrë masa të mos ndodhin më”, shkruan ai i tronditur nga të qarat e gjyshes së foshnjes dhe fakti që të tilla vdekje nuk po janë aq të rralla.