Mijëra emigrantë kthehen për festa, në Kapshticë qytetarët presin deri në 4 orë

Saturday, 23 December 2023 21:05

Ardhja në Shqipëri për të kaluar festat e fundvitit po kthehet në stres për emigrantët. Në 24 orët e fundit, në të gjitha pikat kufitare ka pasur fluks në hyrje, por për shkak të punës me sportele të reduktuara janë krijuar radhë të gjata. Paraditen e sotme emigrantët që vinin në Shqipëri nga pika kufitare e Kapshticës janë detyruar të presin për 4 orë në kufi, ndërkohë që askush nuk merrte masa edhe pse radhët vijonin të shtoheshin.

Nga SYRI TV 

Festat e Fundvitit shtojnë fluksin e hyrje-daljeve në pikat doganore dhe portuale të vendit nga shqiptarët e diasporës që kthehen për të festuar në Atdheun e tyre. Në Portin e Vlorës 479 pasagjerë kanë mbërritur të shtunën e 23 dhjetorit, me dy tragetet e linjës Vlorë-Brindisi, teksa pritet shtimi i fluksit orët e ditët në vijim.

Pjesa më e madhe e tyre emigrantë që kthehen kryesisht nga Italia apo vende të Bashkimit Europian Nuk mungojnë as turistë të cilët zgjedhin që Krishtlindjet apo Vitin e Ri ta kalojnë në Shqipëri. Të shtunën në këtë Port kanë mbërritur Gjithashtu edhe 150 mjete të vogla autovetura, si dhe 34 mjete të mëdha kamion dhe autobusë.

Porti po punon me kapacitete të plota për të përballuar fluksin ndërkohë që prej 1 dhjetorit, kanë hyrë 2000 pasagjerë, ku 25% e pasagjerëve të 23 ditëve të dhjetorit e mban vetëm kjo e shtunë.
 

Edhe në pikën kufitare tokësore të Kapshticës ka patur fluks. Në 24 orët e fundit kanë hyrë nga Greqia 5518 emigrantë dhe kanë udhëtuar drejt vendit fqinj 2185 të tjerë. Emigrantët që janë kthyer në Shqipëri kanë pritur në radhë deri në 4 orë në tokën greke për të kryer procedurat.

Policia kufitare greke punon me 3 sportele edhe pse fluksi i udhëtarëve rritet orë pas ore.

I lartë mbetet edhe numri i mjeteve që presin të dalin nga territori ynë, ku policia kufitare ka pasur në dispozicion 6 sportele.

Ne 24 orët e fundit në Pikën e kalimit Kufitar të Kakavijës, janë shtuar masivisht hyrje-dalje, por nuk raportohet për radhë dhe vonesa. Nga kjo pikë kufitare, kanë hyrë 6184 shtetas shqiptarë dhe të huaj, ndërsa kanë dalë 2351 shtetas. Po ashtu kanë hyrë në territorin tonë 1805 mjete dhe kanë dalë 698 të tilla.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...