Pas tre orë seance , gjykata e Apelit në Shkodër ka liruar 7 nga 11 kuksianët që mbaheshin në burg për shkatërrim të pronës në protestën e zhvilluar më 31 mars kundër tarifës së “RRugës së Kombit”.
U lanë në burg Elton Cengu, 39 vjeç, banues në Kukës, Florin Onuzi, 35 vjeç, banues në fshatin Nangë, Kukës, Vasil Laçi, 31 vjeç, banues në Kukës dhe Xhevahir Gashi.
"Ky ishte turp e maskaradë" tha deputeti i PD-së, Bardh Spahia- "Revoltë mbarëpopullore nga Shkodra në Sarandë"
Deputeti Edmodn Spaho u shpreh: Do vazhdojmë betejën për të liruar edhe të 4 kuksianëve të tjerë. Ata mbahen në burg padrejtësisht
Ndërkohë vendimi nuk u prit mirë nga protestuesit e vendosur para gjykatës. Gjatë këtij momenti pati dhe tymuese.
Protesta e fishekzjarre
Familjarë dhe dhjetra qytetarë të tjerë të mbledhur para Gjykatës së Apelit e kanë përcjellë me hedhje kapsollash pritjen e marrjes së vendimit nga trupi gjykues për 11 të arrestuarit.
Avokati, Altin Goxhaj, deklaroi se janë shkelur procedurat ligjore për arrestimin e protestuesve të 31 marsit në Rrugën e Kombit.
Goxhaj: Puna është të shpallen të pavlefshme procedurat e ndalimit, vendimi i gjykatës së shkallës së parë që i bëri të vlefshme ato procedura. Do ketë drejtësi në Shqipëri apo jo? Ky ëShtë akti i parë i varrosjes së fillimit të përballjes së gjykatave me urdhrat e qeverisë. Nëse nuk shpallet i pavlefshëm urdhri i prokuroRisë dhe më pas i gjykatës për ta certifikuar atë për mënyrën si janë rrëmbyer njerëzit gjatë natës në shtëpi, në shtëpi sot ësHtë data e fillimit të diktaturës
Gjyqi u bë për katër kioska, që tha 7 milion euro ai i madhi. Sipas ligjit dikush që kryen një vepër në kushtet e detyrimit, që i shkatërron atij pronën dhe dëmi që bën është më i vogël se ai që po mbron dhe nuk ka asnjë alternativë tjetër, nuk ka përgjegjësi për veprën penale.
Deputetja e LSI-së, Nora Malaj, për Ora Neës tha se është shpresëplotë në një vendim të drejtë nga gjyqësori.
Nora Malaj: Besoj që vendimmarrja e rezultatit përfundimtar të jetë pozitiv.Të 11 opo ti shikosh janë qytetarë të thjeshtë. Ky është një gjykim që duhet parë si nevojë e domosdoshme për tu dhënë mundësinë.Shteti është tërhequr.Nëse gjykimi do bëhet i drejtë atëherë dhe vlerësimi i gjithë komunitetit do të jetë në pozitivitetin e zgjidhjes së problemit.Duhet të ketë reflektim të fortë dhe besoj shumë që e drejta të fitojë.
Lista e Kuksianëve që dolën sot para Gjykatës.
Shalban Selmani – Detyrim paraqitje
Shemsi Trota– Detyrim paraqitje
Shpetim Toda – Detyrim paraqitje
Xhevair Hereni – Detyrim paraqitje
Elton Cengu- Arrest me Burg
Florin Onuzi- Arrest me Burg
Shkelqim Vata – Detyrim paraqitje
Xhevair Gashi – Arrest me Burg
Ervis Uruçi – Detyrim paraqitje
Rasim Onuzi – Detyrim paraqitje
Vasil Laçi –Arrest me Burg
Abdi Haziraj – Detyrim paraqitje
Edmond Matmuja– Detyrim paraqitje
