Ambasada e SHBA në Tiranë ka dhënë një lajm të mirë për të gjithë studentët shqiptarë duke ofruar mundësinë për të kaluar verën në SHBA si dhe për të punuar gjatë sezonit veror përmes programimit veror të punësimit.

Sipas njoftimit, në këtë program përfshihen të gjithë studentët që janë në universitete të akredituara në Shqipëri.

” ️ | Studentë universiteti – jeni në kërkim të diçkaje interesante për të bërë këtë verë? A e keni marrë në konsideratë Programin Veror të Punësimit? Është një mundësi e shkëlqyer që studentët të kalojnë pushimet verore në SHBA. Vetëm sigurohuni që të ktheheni në Shqipëri për vitin e ri shkollor! #PyetAnën ”- thuhet në njoftimin e ambasadës së SHBA në Tiranë.