Për herë të parë është kryer një studim 10-vjeçar për nivelin e financimit të arsimit parauniversitar ku evidentohet se vitet e fundit ndryshe nga çfarë është premtuar kemi një ulje të ndjeshmë të buxhetit për arsimin.

Sipas studimit mbi 100 mijë fëmijë në të gjithë vendin nuk arrijnë të ndjekin dot rregullisht shkollën për shkak të varfërisë. Gjysma e tyre punojnë për të ndihmuar familjet që të sigurojnë mbijetesën, ndërkohë që qindra të tjerë nuk konsumojnë dot vaktin e mëngjesit.

Të dhënat e studimit për financimin e arsimit parauniversitar janë prenzantuar në një takim ku merrnin pjesë përfaqësues të qeverisë dhe opozitës. Deputetja e PD, Albana Vokshi, tha se qeveria nuk ka përmbushur premtimet për rritjen e buxhetit të arsimit. Ajo theksoi se PD nuk do të heqë dorë nga propozimi për të ofruar tekste falas për të gjithë nxënësit e arsimit të detyruar./ Oranews

Të dhënat e studimit 

100 mijë fëmijë të varfër nuk arrijnë të ndjekin rregullisht shkollën

28% e fëmijëve janë përfitues të ndihmës ekonomike

50 mijë fëmijë punojnë për të siguruar mbijetesën e familjeve

20% e fëmijëve në moshë shkollore jetojnë në varfëri

44% e fëmijëve konsumojnë mëngjesin gjatë 5 ditëve të javës