Përveç aksionit të policisë në Vlorë, një tjetër eshtë zhvilluar në Shkodër.
Një tjetër sasi e konsiderueshme droge është sekuestruar në qytetin e Shkodrës, ndërsa gjatë një kontrolli rutinë në pikën kufitare të Murriqanit janë gjetur rreth 15.5 kg kanabis sativa.
Sipas informacioneve, policia ka bërë të mundur ndalimin e 37 vjeçarit me iniciale R.Sh banues në Shkodër, ndërsa në furgonin tip “Benz” të cilin ai drejtonte janë gjetur rreth 24 pako lëndë narkotike.
Sakaq policia ka nisur hetimet.
Njoftimi i policisë
Më datë 13.05.2018, nga strukturat e D. V. K. M. Shkodër, u arrestua në flagrancë shtetasi: Genc Nikshiqi, 37 vjeç, banues në lagjen “Kongresi i Përmetit” Shkodër Arrestimi i tij u bë pasi në PKK Muriqan, në dalje nga territori i R. Sh. me mjetin tip Benz Furgon, me targa AA591RT, nga kontrolli i ushtruar këtij mjeti janë gjetur dhe sekuestruar në cilësinë e provës materiale 24 pako lëndë narkotike Cannabis Sativa, ku pas peshimit rezultoi me peshë 15.5 kilogram. Materialet i kaluan Prokurorisë pranë Gjykatës së Shkallës Parë Shkodër, për veprën penale “Trafikim i lëndëve narkotike, e mbetur në tentativë” parashikuar nga neni 283/a/22 i Kodit Penal.
