Një nga studiot më të mëdha të filmit në Hollywood, Universal Studios, ka bërë të ditur se pas plot 32 vitesh pas publikimit të filmit legjendar “Scarface”, po mendohet për një rikthim të tij.

Ndryshimi i vetëm do të jetë që në rolin e aktorëve kryesorë, Toni Montana dhe motrës së tij, Gina, do të jenë aktorët e njohur Leo DiCaprio dhe Sofia Vergara.

Në një deklaratë për shtyp, Universal Studios zbuluan se kishin planifikuar një xhirim të filmit që në vitin 2002 por nuk kishin arritur të gjenin aktorin që mund t’i përshtatej më shumë Al Pacinos origjinal.

“Kur një film është kaq i suksesshëm dhe ka kaq influencë sa “Scarface” ka një rregull të pashprehur në Hollywood që mund të bësh një rikthim të tij për brezin e ri. Dhe kjo është një mundësi e madhe për të krijuar një version të ti dhe emocionues. Ky projekt ka qenë në fazë përgatitore për gati 15 vite dhe isha gati duke hequr dorë prej tij deri kur në vitin 2013 pashë Leo Di Caprion në “The Wolf of Wall Street”. Aty e kuptova se ai ishte i duhuri për të qenë Toni Montana. Tani në vitin 2017, jemi në pritje të një deklarate për shtyp. Të punosh me DiCaprion është një bekim. Ndërsa në rolin e motrës së tij Gina, do të jetë aktorja Sofia Vergara. Kombinimi i këtyre dy aktorëve do të sigurojë risjelljen e suksesshme të “Scarface”. Filmi do të ketë të njëjtën linjë skenari si origjinali megjithatë do të jetë i rishkruar tërësisht. Filmi do të xhirohet në Los Angeles”, u shpreh skenaristi Jonathan Herman.