“Unë si ti” një film nga Luan Kryeziu dhe Najada Elmazi ka bërë bashkë aktorët nga Shqipëria dhe Kosova. Me skenar nga Luan Kryeziu në filmin “Unë si ti” në rol kryesor Najada Elmazi që interpreton rolin e Jonës, Jetmiri interpretohet nga Lulzim Zeqja, psikologia nga Mariana Kondi, kujdestarja nga Eva Murati. Aktorë të tjerë në film janë dhe Daljana Sejdia ,Teuta Krasniqi, Anastas Nika, Erindi Bejko, etj. Bashkëregjisore dhe aktore këtë herë në filmin “Unë si ti” Najada Elmazi vlerëson jo pak bashkëpunimin me regjisorin nga Kosova Luan Kryeziu. Në reagimin e saj Elmazi flet për filmin, që këtë sjell një dramë psikologjike, ku tregon se në qendër është jeta e një çifti dhe pamundësia për të pasur fëmijë. “Filmi është një dramë psikologjike, ku në qendër është jeta bashkëshortore e një çifti të cilët nga pamundësia për të lindur një fëmijë biologjik kërkon të adaptojnë një fëmijë të jetimores. Këtu fillojnë përplasjet ndërmjet tyre. Ngjarjet zhvillohen në Sarandë dhe Tiranë”, pohon Najada Elmazi. Bashkëregjisore dhe aktore Elmazi tregon se xhirimet janë zhvilluar gjatë këtij sezoni vere në Sarandë dhe filmi nuk është më metrazh të shkurtër, por i gjinisë Omnibus. “Saranda është qyteti ku unë jetoj dhe menduam të promovojmë turizmin e Shqipërisë meqenëse filmin po e përgatisim për festivalet ndërkombëtare. Ndërkohë filmi nuk është me metrazh të shkurtër, por i gjinisë Omnibus , ku tre linja veprimi zhvillohen paralelisht në të njëjtën kohë. Kamera nga Agron Kryeziu dhe produksioni është nga Kosova””, vijon më tej për filmin Najada Elmazi. Prodhim nga “IliriaFilm Kosovë” në filmin me skenar dhe regji nga Luan Kryeziu, asistent është Abdullah Bajrami.